《那些年 能够立足于蓝军前线的英格兰人

《原创文章 欢迎转载 请列明出处 谢谢》-请支持蓝狮 Facebook专页-《那些年 能够立足于蓝军前线的英格兰人 按此观看图片 有唔少曾经效力过车路士既球员辗转都喺各支英超球队立足,卢卡古、沙拿、迪布尼、马达等,而今日要讲哩一位相信係比较不受注目既那一位,但佢正正係对上一个能够立足喺蓝军前线既英格兰人,应届欧洲冠军成员,将会离开利物浦既史杜列治。出生于球员世家,史杜列治既父亲同舅父都係司职前锋既职业足球员,喺哩个环境成长下既佢亦立定决心将来亦要成为一位出色正中锋,先后加入过吉百利体育会、阿士东维拉及高云地利成为青年军,由于当时表现出色以及拥有发展潜力,最终被英超球会曼城以三万镑培养费买断,喺曼彻斯特市渡过左佢成长当中既六年时光,可以话获益良多。对于当时既史杜列治黎讲,曼城可以话成为咗佢另一个既家,但佢最终亦选择离家出走,加盟另一支英超列强车路士,当中主要原因係因为当时既曼城经已成为富豪球会之一,而阵中能够担任前锋既人数高达八人,仲係年青既史杜列治清楚自己实力係去到边,即使以其他攻击位置上阵既机会亦唔会多,哩个时候车路士开出合约,加上蓝军经已答应会有一定上阵机会,以一个年青球员嚟讲冇嘢会比上阵机会更重要,史杜列治当时选择离开亦属情有可原。喺史丹福桥哩四年间,史杜列治上共为蓝军喺各项赛事上阵九十六场,攻入廿四球,得到嘅奬盃包括英超冠军、足总盃冠军以至欧冠盃冠军,更令佢晋身成为英格兰国家队,一尝大国脚滋味,实现咗母亲嘅梦想。但喺背后史杜列治似乎过得并唔开心,蓝军主要安排佢以翼锋位置上阵,由于当时车路士有传奇杜奥巴同浪子安历卡坐拥正中锋位置,加上后来费兰度托利斯由利物浦转投加入竞争,史杜列治并唔能够如愿以偿担任前锋,佢亦选择离开加盟另一支劲旅利物浦。今日,佢再一次荣登欧洲冠军成员之一,再度一尝捧起「大耳朵盃」既滋味,成为两夺欧冠既英格兰人。由当日既黄毛小子,到今年都经已二十有九,史杜列治亦再一次为佢既职业生涯作出选择,官方宣布离开利物浦,下一站会继续英超之旅?还是离开熟悉既英国球坛寻求新挑战?相信结果好快会揭盅。文章发表时间 : 06/06/2019 15:45文章最后更新时间 : 06/06/2019 15:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关推荐